Life LessonsPoetry & RapStartUp & Business

Kitna Maza Aayega | Kickstart Hindi Motivation by Abby Viral #12

By May 19, 2018 No Comments
Kitna maza aayega Hindi motivation by abby viral

3,346 total views, 1 views today

Hindi Motivational Poem : Kitna Maza Aayega

Zara socho…

Aap din raat mehnat kar ke apna startup shuru karo

Bhale hi aapke sath koi na ho

Fir bhi Himaat prachand ho…

Irade akhand ho,

Aur fir ek din…Tumhari kadi mehnat ka fal tumhe mil jaye…
To kitna maza aayega…

Aapke account me bhale hi abhi 1000 rupaye se upar na rehte ho,
Jeb me hath dale pe sirf sikko ki khankhanahat sunne ko milti ho…

Lekin ek din…

ek din ATM ke andar jao aur mini statement check karo

Aur vaha aapke account ka balance show kare “1 Crore Rupaye”

To kitna maza aayega

Bhale hi abhi branded kapde khareedne ki aapki aukaat na ho

Aap abhi bhi palika aur sarojni ke kapde pehente ho…

Lekin ek din aap GIP mall me jaake aisi shopping karo

K aisa koi brand na ho jo aapki jeb ko takleef de sake

To kitna maza aayega…

Jo log aaj aapko halke me le rahe hain,

Agar vo log hi kal bhai bhai bhai karke aapke peeche aaye

To kitna maza aayega

Jis ladki ne aapko dhokha diya…
Jis ladke ne aapka kabhi dil toda tha

Kisi teesre insaan ko aapse better option

samajh ke aapki insult ki
Aap itne kamiyaab ho jao

Ke uska sir sharam se zameen me dhas jaye…

Aur uske baad kabhi aap unhe face karo to unki aakhon me sharam aur aapke hotho pe dheemi muskurahat ho…

To kitna maza aayega

Jo ghar vale aapko aaj nalayak samajh rahe hain

Unko shak hai k aap apni zindagi me kuch dhang ka kar bhi rahe ho ya nahi

Jinko aaj aapke grades and career ki bahot chinta hai

Jinki tahe dil se iccha hai k aap kuch aisa kar ke dikhao k unka sir garv se uchaa ho jaye

Aur ek din aap unko apni brand new BMW ke back seat pe bitha ke kisi five star hotel me dinner karvane le jao..

To kitna maza aayega

Jo dost aaj aapke upar 50 rupaye ka bhi udhaar nahi chodte

Har time bas apna matlab nikaalte hain

Aapke abhi ke haalat me aapko judge kar rahe hain…

vahi ek din aapki vajah se society me apna impression jamaye

Are vo to mera dost tha, hum sath me school ya college me padhe hue hain

Hum sath me cricket khelte the yar… Aaj dekho kaha phoch gaya

To kitna maza aayega

Yaar soach ke hi itna maza aa raha hai to socho agar sach me kar ke dikha diya to kitna maza aayega…

Maza tab nahi jab aap brand new fortuner ke peeche vale shesshe par Dad’s gift likhva ke style mare,

Maza to tab hai jab khud ke dum pe khareedi huyi,chahe wagonR hi kyu na ho, peeche likkha ho “self owned”

To yaar sapne dekhte raho…Aur un sapno ko pora karne ke liye jo bhi keemat chukani pade, chuka dena yar… Aur fir dekhna kitna maza aayega

To dosto, us kaam ko karte raho jisme aapko maza aa raha hai, Aur usi kaam ko agar aapne dedication ke sath kar diya to aapko zindagi ka asli maza bhi aa jayega…

Agar aapko ye video dekh ke maza aaya, to aap logo ko pata hi hai yar… is positivity ko apne whatsapp status, groups, khasam khaas dost jinko apne sath grow karte hue dekhna chahte ho…facebook profile har jagah faila do..

Apne vichaar mujhe comments me batao…. Aur 15,000 Likes ho jaye to maza aa jayega…

Aur roz subah 5 baje motivation ki notification ke liye bell icon ko dabana bilkul mat bhoolna

Baki mai aapse mila hu kal subah 5bje ek nayi positivity aur ek nayi motivation k sath.

To isi k sath this was Abby Viral signing off!

Comments

comments