Life Lessons

Jail se Bahar Niklo जेल से बाहर निकलो | Hindi Motivational & Inspirational Video

By January 6, 2018 October 4th, 2019 No Comments

3,262 total views, 1 views today

Hum films me aksar aise scene dekhte hain jisme Hero Jail me kaid hota hai fir secretly ek surang bana kar jail se faraar ho jata hai. Ye scene dekhne me kitna exciting hota hai…

Aapko bhi exactly yahi kaam karna hai, Aap bhi apni zindagi ke hero ho aur durbhagyavash ek jail me kaid ho.
Ek virtual jail
Ek aisi jail jaha aapko khud nahi pata ke vo ek jail hai
Ye jail aapka job ho sakta hai
Ye jail aapka business ho sakta hai
Aapka college aapke liye ho sakta hai jail ho
Kyunki aapo yaha vo kam nahi karne diye ja rahe jisme aap acche hain, but kuch fixed limited duties di huyi hai aapko. Aap yaha se aazad nahi ho pa rahe kyunki ho skta hai financial obligations ho, family ka pressure ho ya chaheh koi bhi xyz reason ho
Mat accept karo is condition ko…Zindagi khul ke jeeni hai na ke khud ko reason de kar satisfy hoke reh jana hai. Ek surang banana shuru karo… Jo kaam aapko accha lagta hai vo karna shuru karo…agar nahi pata vo kya hai to usko khojo lekin please yar zindagi bhar vo kaam mat karte reh jana jisko aap pasand nahi karte ho.
Yad rakhna k
“Jis kaam me aapka man lagta hai usme unsuccessful hona
jis kam me aapka man nahi lagta usme successful hone se better hai”
Jail me to bahot sare kaidi hote hain….lekin sirf hero hi surang kyu bana pata hai..? Kyunki uski zindagi me koi maksad hota hai… Usko bahar nikal ke koi kam karna hota hai jiski usne kasam khayi hoti hai. Use vo kaam har haal me karna hota hai…
Kya aapki zindagi me bhi koi maksad hai…? Aap hero tabhi ban paoge jab aapki zindagi me bhi koi maksad hoga… Kya Aapka bhi koi bada sapna hai…?
kyunki agar aisa nahi hai to fir is bare me soachna bekar hai…Bina vision k agar aap surang bana bhi lete ho to pata hai vo kaha niklegi….?
Ek dusri Jail me…
Agar aapko ye bat pata chal chuki hai k aap ek jail me band hain to aapko ab ye pata lagana hoga k yaha se nikal ke aap kya karna chahte hain… Aapko kon si cheez excite karti hai, kis cheez ko leke aap passionate hain.
Ab kuch log sochenge k kaise pata kare k hamara passion kya hai… To iska javaab hai act kar ke.
Aap zindagi me alag alag cheezo ke bare me knowledge lo…sabko jaano…fir kar ke dekho maza aa raha hai k nahi. 10 segments ke bare me gyaan loge to kuch na kuch hint to mil hi jayega…
Mera college mere liye ek jail tha… Mujhe maths, formulas, assignments etc bilkul pasand nahi tha lekin mujhe us b.tech vali jail me society ne 4 saal ki saza suna di… Lekin mai 2 saal me hi surang bana ke bhaag gaya…. Maine ye kaise kiya…
Maine jail me i mean b.tech me rehte rehte network marketing, Momos ki stall, street magic, events, nursery and plants ka business, graphic designing, website designing, search engine optimisation,BPO, Business analyst  aur bhi nana prakaar ke kaam kiye.
Aur fir ek din maine surang bana li… Huppme.com
India’s best gifting company aur college drop out kar ke us jail se bhaag gaya.
Hum sab log kabhi na kabhi kisi cheez ko leke excited hote hain…sapne dekhne lagte hain…aapne aksar logo ko bolte suna hoga “Main ek restaurant shuru karne vala hoon”, Mai ek startup shuru karne vala hoon… etc. Lekin log bas bate hi karte reh jate hain..act nahi karte.
Agar aapko pata karna hai k aapka passion kya hai to aapko act karna hoga, jo cheez bahot appeal kare usko kar daliye. Don’t let the excitement die.
Ek surang bananae ke liye hero kya karta hai…? Kuch tools ka use karta hai mitti khodne k liye.. Aapko bhi kuch tools chahiye honge.. vo tools hain aapki skills aur aapka knowledge. Aap jo kam karna chahte ho us se related knowledge aur skills ikkati karo.
Aur jab hero ko vo tools mil jate hain to kya vo uske leke baitha rahe to surang ban jayegi…Nahi! Aapko bhi un tools ko use karna hoga… Time dena hoga.
Hero surang kab banata hai…din me jab sab jail ka daily schedule vala kaam kar rahe hote hain…? Nahi! Us waqt to vo bhi baki logo k sath mil ke vahi kaam karta hai…lekin jis waqt baki sab aaram kar rahe hote hain…so rahe hote hain…facebook pe posts scroll kar rahe hote hain…cricket match dekh rahe hote hain..Whatsapp pe chat kar rahe hote hain…apni girlfriend se ghannto fone pe lage hote hain us waqt…us waqt hero apni surang bana raha hota hai.
Ye aasan nahin hai…isme waqt lagega ek saal…do saal ya shayad aur bhi zayada..surang ek di me nahi banti. Mujhe khud 2 saal lag gaye. Bahot kuch sacrifice karna hoga…thak kar ruk jana padega…par aapko chalte rehna hoga.
Aur chalte chalte ek din aa hi jayega jab aap jail se bahar hoge.
Ghut Ghut kar yaha khel rahe sab zindagi ke khel me
Anjaan hain vo log, kyunki kaid hain ek jail pe
Unko kaam me na aata maza
Unka kaam hi unki saza
Is kaid se ho aazad
is jail se ab bhaag jao
act karo apne sapko k liye
agar poore karne hain to jaag jao
Aur isi k sath this was abby viral signing off.

Comments

comments

Leave a Reply