Life LessonsPoetry & Rap

From Breakup to Move On | Hindi Motivational Video and Lyrics By Abby Viral

By March 23, 2018 June 12th, 2018 No Comments
Hindi Motivational Video

12,409 total views, 5 views today

Breakup to Move On – An Hindi Motivational Video and Lyrics By Abby Viral

This is a Hindi motivational Video from breakup to move on motivation.

Breakup se Move on hone ke liye ye Hindi Motivational Video.

Sab ho jata hai soona, jaise hava chali ho sard,
Har nakamiyab relationship Ke baad reh jata hai sirf dard
Unke jaane ke baad bhi lagaav rehta hai
Muskurate hain hum lekin dil ke andar ghaav rehta hai
Formally sabhi logo se bartaav reh jata hai
Ek toota hua insaan zindagi me kuch bhi nahi kar paata hai
Har roz usko aati hai, un lamho ki yaad…
Kash sab kuch pehle jaisa ho jaye, yahi karte hain fariyaad
Vo Facebook ki chat, vo call pe ghanto bate karna
Vo whatsapp ke status, aur bheed me hath pakadna
Unke birthday se mahino pehle paise karna save
Har mushkil me sath dena, banke andar se brave
Vo roz ki nok jhok, aur silly fight
Unka masoom sa muskurata chehra, aur chehre pe padti dim light
Kya isi din ke liye tha ye sab, k ek din tum toot ke bikhar jao
Are tum to ek shining diamond ho yar, khud ko ghiso aur nikhar jao.
Jisko tum me aaj hazaro galatiyan nazar aa rahi hai
Kabhi usi ne kaha hoga na, ke tum jaise bhi ho mere ho.
Sath me jeene marne ki khayi hogi kasam
Lekin ab kya hua, aaj uski kasam chulhe me bhasam?
Shadi karne ka bhi kiya hoga plan
Fir kyu chota ho gaya uske pyaar aur feelings ka lifespan ?
Is duniya me kahi bhagvan hai, to samjho unhi ki taraf se ye paigaam aaya hai,
Ye pyaar aur feelings kuch permanent hai, sab moh maya hai.
Aur dekha jaye to loss aapka nahi uska hua hai,
Aapne kuch nahi khoya, lekin usne ek aisa insaan kho diya jo shayad is duniya me us se sab se zayada pyaar karta
Aapki zindagi me jo hua, usko haste hue accept karo
Duniya baad me karegi aapki, pehle aap khud ki respect karo.
Kabhi kabhi move on karna aasan nahi hota,
Lekin baad me aapko samajh me aata hai ke ye aapki zindagi ka sabse accha faisla tha
Zara dimag lagao…thoda logical soachte hain yaar
Jo insaan aapke sare sacrifices ko bhul jaye
Jiske liye aap ek second me ho gaye paraye
Sath me khayi sari kasame tod de
Zindagi ke safar me beech raaste pe chod de
Relationship ke beech me macha de bawaal
Bina parwah kiye, iske baad kya hoga aapka haal
Aap ek bhayanak aur daravna sapna dekh rahe ho
Apne aap ko jagao
Us insaan ki parchayi tak ko apni zindagi se bhagao.
Jab sab khatam ho chuka hai, to tenshion kyu le rahe ho,
Ek already mare hue paudhe ko paani kyu de rahe ho?
Apne past ki bad memories ka ant kar do,
Kya aap abhi bhi us se kbi kbi baat karte ho? Please yar bannd kar do…
Jin rassiyon ne aapko baand ke rakkha hai, use aaj hi tod do
Whatsapp…Facebook…Instagram har jagah se usko stalk karna chod do
Ye ek aisa khel hai jisme jo khelega vo harega
Ye ek aisa zeher hai jo aapko dheere dheere roz aapko marega
Ye sab havabazi nahi hai, jo maine aapko bataya hai
I know ye sab bolna aasan hai, lekin maine bhi ye kar ke dikhaya hai
Aaj se 4 saal pehle ki baatein aap logo ko kar raha hu express
Ek waqt aaya tha, mai bhi ho gaya kai mahino ke liye depress
Fir himmat juta ke khud se kaha k ab vo mere pas maujood nahi hai
Aur aaj bheed me vo gum ho gayi, uska koi vajood nahi hai.
Aaj aap jaise lakho dost mere sath hai
Mai aaj jo bhi hu, usme kahi na kahi uska bhi hath hai.
Aaj uske bina bhi is planet pe meri aukaat hai
Us se zayada pyaar karne vale log ab mere sath hain.
Yaar aaj kal har insaan Internet se content leke youtube pe videos bana raha hai
Jo cheeze mere sath huyi, tumhara bhai is channel pe bas vahi bata raha hai.
Maine 3 saal me apne startup ko private limited company banayi,
To mai entrepreneur, startup, growth hacks pe video banata hu,
Zindagi me bahot dhakke khaye hain, motivational videos me vahi sab aapko bhi sikhata hu
Kuch buri cheeze meri zindagi me bhi huyi, vo bhi share kar raha hu
Apne desh ke youths ke liye zayada se zayada contribute karu, is baat ki bhi care kar raha hu
Agar aapki zindagi me kuch bada karna chahte ho lekin samajh nahi aa raha kya karu to is video ki description me ek link hai us form ko fill kar do,
Meri koshish rahegi zayada se zayada logo se connect kar saku.
Agar aapko meri video me thodi si bhi value lagi to Is channel ko subscribe kijiye
Agar aap log ye video Facebook pe dekh rahe ho to mera page like kijiye
Is video ko bhi like kar ke apni feelings mujhe comments me bataiye… sabko reply bhale hi na kar pau lekin sabke comments ko ek heart pakka milega.
Aur positivity se khud ko ghere rakhne ke liye bell icon ko dabaiye.
Isi ke sath this was abby viral signing off!
Also read my latest article Dont be an Entrepreneur

Comments

comments