Life LessonsViral Army Blogs

Failure – An Inspirational Story by Vishal Prajapati

By June 15, 2018 No Comments

3,064 total views, 1 views today

This is an Inspirational Story by Vishal Prajapati

Viral Army Blog # 1 : Failure – An Inspirational Story by Vishal Prajapati.

Failure – An Inspirational story by Vishal Prajapati,  is a very thoughtful story. Guys, you should definitely read it.

 

Mai fail ho gya, jaise hi mera result internet mai show kiya.

Uss time jaise mai tut sa gaya ,

Sab rone lage, mera toh dil hi tut gaya,

Saal bhar ki padhai barbaad ho gayi thi.

Ab life khatam si ho gayi thi, jaise kuch bachaa hi nhi.

 

Shayad kahi meri hi galti reh gayi thi,

Jise mai ignore kar raha tha ya meri kismat hi bakiyo se kharaab hai.

Mai samagh gya tha ab kuch aacha nahi hone wala hai, par ye meri galti thi.

 

Kya hua agar mai fail ho gaya,

Kya ek failure meri puri life decide kar sakta hai,

Kya mai itna chota hu!

Nahi, yahi woh samay hai jo mere samay ko badal kar rakh dega.

Meri kismat mai kuch aur hi paana hai, baakiyo se alag karna hai, “kuch hatkar”

 

Ab bas mujhe khud ko saabit karna hai aur agle saal ke liye khud ko itna ‘MOTIVATE’ aur itna ‘PREPARE’ karna hai

“ki log bhi kahenge ki yeh ladka pagla gaya hai fail hoke”

“Ek saal fail hoke sochta hai, agle saal faad dega, top karega”

“din-raat padhai karke pagla jayega saala”

 

Kehne do logo ko unka toh kam hi hai kehna, aur sahi toh keh rahe hai woh Kyunki

Manzil mil hi jayegi ek din bhatakte-bhatakte hi sahi,

Gumrah toh woh hai jo, ghar se nikle hi nahi!

Khushiya mil jayegi ek din, rote-rote hi sahi

Kamjor dil ke hai woh, jo hasne ki sochte hi nahi!

Pure honge har khawaab, jo dekhe hai andheri raaton me

Nasamajh hai woh, jo dar se puri raat sote hi nahi!”

 

Ek aisa vyakti jo apni zindagi mai itne bar fail ho,

ki shayad hi koi itni failure ki shamta rakh pata.

Jisne apni zindagi mai fail hone ke saare record hi tor dale.

Are ham toh 2 se 3 bar fail hone ke baad himmat hi haar jate hai.

9,999 bar fail hoke 10,000 bar me LIGHT BULB ko invent karne wale

“Sir Thomas Alva Edison” inspiration ki ek misaal hai hum sabke liye.

 

Unki yeh baate aaj bhi bhulane se nahi bhulti,  ki jab unse pucha gya ki aap me itni failure ki shamta aayi kaha se?

Toh unhone kaha “Mai toh fail kabhi hua hi nhi. Maine toh 9,999 bar bulb na banana ke 9,999 tarike sikh liye”

 

Chaap lo is baat ko apne dimag mai aur ek nayi shuruwaat karo jo tumhari puri zindagi ko badal kar rakh dega.

 

Kaha gaya hai ki

Pani ko barf mai,  badalne mai waqt lagta hai!!

Aur dhale suraj ko, nikalne mai waqt lagta hai!!

Thoda dheeraj rakh, thoda aur zor lagata reh!!

Kyunki kismat ke zang lage darwaze ko, khulne mai waqt lagta hai!!

Jo tune kaha,

Kar dikhayega rakh yakin!!

Kyunki garje jab badal,

Toh barasne mai waqt lagta hai!!

 

“Winners never quit and quitters never win”

“Jitne wale kabhi har nahi mante aur haar maan ne wale kabhi jeet nahi sakte”

– Vishal Prajapati

Inspirational Story

 

Toh dosto, ye Inspiritaional story likhi thi Vishal Prajapati ne, aur Inhone is story me ye bataya ki kaise ye apne Failure se motivate hue, aur apne Failure ko ek Weakness ki jagah ek Oppotunity ki tarah treat kiya.

Agar aapko bhi lagta hai ki aap bhi ek chote se failure se nahi rukne waale hai, toh mere paas aapke liye ek bahut hi motivational writer “Shiv Khera” ka success mantra reveal karne waali ek book hai, “You Can Win”. Toh isey padhe aur aage badhe.

 

Inspirational Story          Inspirational Story

Agar aapko ye story pasand aayi toh please apne vichar mujhe comments me bataaye. Aur agar aap Vishal ko koi message dena chahte hai, toh woh bhi aap comments me likh sakte hai.

Toh ye tha Viral Army Blog #1. Jald hi aapke blog bhi aayenge. Stay tuned.

Also read my recent article Din ki Shuruvaat

 

Comments

comments