StartUp & Business

Ek Entrepreneur- Part 2 | KickStart Motivation

By June 21, 2018 June 25th, 2018 No Comments
Entrepreneur

3,349 total views, 1 views today

Ek Entrepreneur- Part 2 | KickStart Motivation

Kickstart Motivation #40 – Ek Entrepreneur

So here are the lyrics of Ek Entrepreneur:

Khuli aakhon se sapne dekhta hai ek entrepreneur
Un sapno ke liye apne peeche ka poora zor laga deta hai ek entrepreneur
Din raat ghar valo ke taane sehta hai ek entrepreneur
Holidays me bhi kaam karta hai ek entrepreneur..
Comfor level se bair paalta hai ek entrepreneur
Apne dream project par aane vali har musibat ko taalta hai ek entrepreneur
Thak ke baithne ki soachta hai….fir bhaag jata hai
Vo aksar raao ko bhi achanak se jaag jata hai
Man me dard hai, lekin hausle rone nahi dete
Uske sapne itne bade hain yar, jo use sone nahi dete
Uski feelings ki shayad kisi ko fikar nahi,
Papa ke kareefo me, uska kabhi zikar nahi
Lekin vo poori team ke bare me soachta hai
Baar baar fail hoke kabhi sad hota hai fir apne balo ko nochta hai
Lekin vo kisi pe depend nahi hai yar..
Apni kismat ka sikka vo khud hi uchalta hai
Sirta hai…rota bhi hai…fir dobada khud ko sambhalta hai
Raato ko ulluon ki tarah jaagta hai
kamiyabi ke raaste pe, full power bhagta hai

Apne plan pe karta hai din raat research
Sirf 2-3 hazar rupaye mahina me hi chala leta hai apna jebkharch
Kabhi soachta hai situtaion ye kitni funny hai
poori team ki salary lakho me
Aur khud ki itni kam pocketmoney hai
Lekin usko pata hai….

Ki jo aaj pyaada hai,
Kal vo vazeer banega
aaj bhale hi jeb me chillar ho
Kal bahot ameer banega
Maa baap sochte hain hamara beta abhi mature nahi hai
Uski girlfriend roz usko tane deti hai, beta tera future secure nahi hai
kabhi kabhi vo bhi is baat ko soach ke darta hai
Kisi investor se seed funding mil jaye, man hi man yahi umeed karta hai
Fir jaake takra jata hai apne hosh se…
Funding se nahi chalta yar, startup chalta hai josh se
Ek entrepreneur, man hi man apni jeet ke sapne bunta hai
Parents, relatives, girlfriend ke baad kabhi kabhi customers se bhi daat sunta hai

Lekin dosto, yaad rakhna halaat har waqt ek jaise nahi hote
kabhi kabhi uske pas bike me petrol dalvane ke bhi pais nahi hote
Fir kadi dhoop me, paseene se bheega apni bike ko dhakka lagata hai
Uski kal ki mehnat aaj rang lati hai, vo last ball pe chakka lagata hai
Vahi superman hai…Vahi ironman hai…yar vahi asli mard hai
uski zindagi ke shuruvati 5 saalo me bas dard hi dard hai…
Baar baar nakamiyab hone se uske ghaav bade ho jate hain
Apni icchashakti aur himmat ko feel kar ke uske raungte khade ho jate hain
Itna himmatjala, koi aap insaan nahi hota
ek entrepreneur banna itna aasan nahi hota
Uske sir pe lakho rupaye ka karz hai
Jin logo ko uspe yakeen hai, un sabke sapne poora karna hi ab uska farz hai
Jisne aaj ghisa khud ko, kal usi ki zindagi me aaram hoga
Famous logo ki biographies me ek din uska bhi naam hoga..
Baki logo ko holidays manane do, 
Clash of clan me apna castle banane do
Tinder aur Happen pe karne do inko match
hone do isko whatsapp jokes ki notification se attach
Jab savera hoga, to roshni chaaro aur hogi
Ddekhna uske garage me bhi ek din lamborghini aventedor hogi
Aur ye sab karne k liye vo poori jaan laga dega…
Deevar pe chipke hue apne vision board ko ek din hakeekat bana dega

Also read my recent Article Mai Fir Bhi Nahi Ruka

Comments

comments